چیمپئنز ٹرافی: صائم کے فٹ نہ ہونے کی صورت میں متبادل لانے کا فیصلہ

انٹرنیشنل کرکٹ کونسل (آئی سی سی) چیمپئنز ٹرافی کے لیے پاکستانی ون ڈے سکواڈ کو حتمی شکل دینے کے لیے مشاورت جاری ہے۔ذرائع کے مطابق چیمپئنز ٹرافی سے قبل پاکستان ٹیم کو سہ ملکی سیریز میں شرکت کرنی ہے۔ذرائع نے بتایا ہے کہ صائم ایوب فٹ نہ ہونے پر سلیکٹرز نے متبادل لانے کا فیصلہ کیا ہے۔ اگر صائم ایوب کا فیصلہ ہو گیا تو سہ فریقی سیریز کی ٹیم چیمپئنز ٹرافی کی ٹیم ہوگی۔آؤٹ آف فارم عبداللہ شفیق اور عثمان خان کو چیمپئنز ٹرافی اسکواڈ سے ڈراپ کیے جانے کا امکان ہے۔ذرائع نے بتایا ہے کہ فخر زمان کی سکواڈ میں شمولیت یقینی ہے جب کہ امام الحق اور حسیب اللہ کے ناموں پر بھی غور کیا جا رہا ہے۔محمد رضوان، بابر اعظم، سلمان علی آغا، طیب طاہر اور عرفان خان کی ٹیم میں شمولیت کا امکان ہے۔اس کے علاوہ محمد حسنین، نسیم شاہ، شاہین آفریدی، حارث رؤف، کامران غلام، ابرار احمد اور سفیان مقیم بھی سکواڈ کا حصہ ہو سکتے ہیں۔پاکستان کے علاوہ چیمپئنز ٹرافی کی تمام ٹیموں نے اپنے اسکواڈز کا اعلان کر دیا ہے جب کہ پاکستان نے ابتدائی سکواڈ کے نام بھی آئی سی سی کو بھیج دیے ہیں۔واضح رہے کہ چیمپئنز ٹرافی کے لیے حتمی اسکواڈ کا اعلان 11 فروری تک کرنا ہوگا۔پاکستان، جنوبی افریقہ اور نیوزی لینڈ کے درمیان سہ فریقی سیریز کا پہلا میچ 8 فروری کو کھیلا جائے گا۔