ایشیا کپ سے قبل سہ فریقی ٹی ٹوئنٹی سیریز کا آغاز، پاکستان کی افغانستان کے خلاف مہم آج شارجہ میں
شارجہ (اسپورٹس ڈیسک) — ایشیا کپ سے قبل کرکٹ کی دنیا میں ہتھیار آزمانے کا وقت آ گیا ہے۔ سہ فریقی ٹی ٹوئنٹی سیریز آج تاریخی شارجہ اسٹیڈیم میں شروع ہو رہی ہے، جہاں پاکستان، افغانستان اور متحدہ عرب امارات کی ٹیمیں ایک دوسرے کے مدمقابل آئیں گی۔
پاکستان کا افتتاحی میچ افغانستان کے خلاف
سیریز کے افتتاحی میچ میں پاکستان ٹیم اپنے بلند عزائم کے ساتھ افغانستان کے خلاف میدان میں اترے گی۔ پاکستان کے کپتان سلمان علی آغا نے کہا ہے کہ یہ سیریز ایشیا کپ کی تیاریوں کے لیے بہترین موقع فراہم کرے گی۔
کپتان کا جذبہ اور عزم
سلمان علی آغا نے کہا:
"قیادت میرے لیے اعزاز کے ساتھ بڑی ذمہ داری بھی ہے۔ کوشش ہوگی کہ ٹیم کی اچھی کارکردگی کو برقرار رکھا جائے۔ افغانستان کے خلاف میچ کے لیے بھرپور تیاری کر کے میدان میں اتریں گے۔”
سیریز کی اہمیت
یہ سہ فریقی سیریز نہ صرف تینوں ٹیموں کے لیے اپنی صلاحیتیں آزمانے کا موقع ہے بلکہ ایشیا کپ میں بہترین کارکردگی کے لیے بھی ایک اہم تیاری ہے۔ شارجہ اسٹیڈیم کی تاریخی رونقیں اور پرجوش فینز اس میلہ کی رونق کو مزید بڑھا دیں گے۔
