اسلام آباد: وفاقی حکومت نے میجر جنرل نور ولی خان کو تین سال کے لیے وزارت داخلہ میں ایڈیشنل سیکریٹری تعینات کر دیا ہے۔ اسٹیبلشمنٹ ڈویژن نے ان کی تعیناتی کا باقاعدہ نوٹیفکیشن بھی جاری کر دیا ہے۔
نئی ذمہ داری سنبھالنے کے بعد میجر جنرل نور ولی خان سول آرمڈ فورسز کے معاملات کی نگرانی کریں گے۔ وہ اس سے قبل وزارت دفاع میں خدمات انجام دے رہے تھے، تاہم اب انہیں ڈیپوٹیشن پر وزارت داخلہ بھیجا گیا ہے۔
ذرائع کے مطابق، میجر جنرل نور ولی خان کا شمار ان افسران میں ہوتا ہے جنہیں اہم انتظامی اور سیکیورٹی ذمہ داریوں کا تجربہ حاصل ہے۔ ان کی تعیناتی کو وزارت داخلہ کے لیے ایک اہم پیشرفت قرار دیا جا رہا ہے، بالخصوص سول آرمڈ فورسز کے انتظامی معاملات کے تناظر میں۔
واضح رہے کہ اس عہدے پر اس سے قبل سہیل تاجک تعینات تھے، جنہیں ہٹا کر اسٹیبلشمنٹ ڈویژن میں رپورٹ کرنے کی ہدایت کی گئی ہے۔
