خیبر پختونخوا میں حالیہ بارشوں اور فلش فلڈ کے باعث ہونے والے مختلف حادثات میں اب تک جاں بحق افراد کی تعداد 406 تک پہنچ گئی ہے، جبکہ 247 افراد زخمی ہوئے ہیں۔
پنجاب ڈیزاسٹر مینجمنٹ اتھارٹی (پی ڈی ایم اے) کی جاری کردہ رپورٹ کے مطابق 15 اگست سے اب تک صوبے میں بارش اور فلش فلڈ سے مجموعی طور پر 604 افراد ہلاک ہوئے ہیں، جن میں 55 خواتین اور 46 بچے بھی شامل ہیں۔
ڈیرہ اسماعیل خان میں گزشتہ رات ہونے والی تیز بارش کے دوران چھتیں گرنے سے آٹھ افراد جاں بحق اور 48 زخمی ہوئے۔ اس کے علاوہ، متاثرہ علاقوں میں 3,526 گھر شدید متاثر ہوئے ہیں جبکہ 577 گھر مکمل طور پر منہدم ہوگئے ہیں۔
حادثات صوبے کے مختلف اضلاع بشمول سوات، بونیر، باجوڑ، مانسہرہ، شانگلہ، دیر لویر، بٹگرام، ڈیرہ اسماعیل خان اور صوابی میں پیش آئے ہیں۔ سب سے زیادہ متاثرہ ضلع بونیر ہے جہاں اب تک جاں بحق افراد کی تعداد 300 سے تجاوز کر چکی ہے، جب کہ صوابی میں اموات کی تعداد 40 سے زائد ہے۔
متاثرہ اضلاع کی انتظامیہ کو ہدایت کی گئی ہے کہ وہ امدادی کارروائیاں تیز کریں اور فوری طور پر متاثرین کو ریلیف فراہم کریں۔ پی ڈی ایم اے سمیت تمام متعلقہ ادارے صورتحال پر گہری نظر رکھے ہوئے ہیں اور آپس میں قریبی رابطے میں ہیں تاکہ متاثرین کو بروقت مدد فراہم کی جا سکے۔
