رجن کپور کا 50 کلو وزن کم کرنے کا سفر: نوجوانوں کے لیے ایک نئی مثال

بالی ووڈ اداکار ارجن کپور نے حال ہی میں ایک انٹرویو میں اپنے وزن کم کرنے کے سفر کے بارے میں کھل کر بات کی، جو نہ صرف دلچسپ ہے بلکہ ہزاروں نوجوانوں کے لیے ایک بڑی موٹیویشن بھی ثابت ہو سکتی ہے۔

ارجن نے انکشاف کیا کہ فلم انڈسٹری میں آنے سے پہلے ان کا وزن 140 کلوگرام تک پہنچ چکا تھا۔ وہ نوعمری میں ضرورت سے زیادہ موٹاپے کا شکار تھے اور انہیں لگتا تھا کہ صرف چہل قدمی ہی کافی ورزش ہے۔ لیکن جب انہوں نے خود کو سنجیدگی سے تبدیل کرنے کا فیصلہ کیا تو ہر چیز بدل گئی۔

وزن کم کرنے کا راز؟
ارجن کے مطابق:

"سب سے مؤثر طریقہ یہ ہے کہ آپ جسمانی طور پر متحرک رہیں۔ اگر آپ کھانے کے فوراً بعد بیٹھے رہیں تو پھر وزن بڑھنے کی شکایت نہیں کرنی چاہیے۔”

وہ خود ایک فوڈی رہے ہیں، لیکن وزن کم کرنے کے لیے انہوں نے فاسٹ فوڈ، چینی اور اضافی کاربوہائیڈریٹس کو خیرباد کہہ دیا، جس سے ان کے وزن میں حیرت انگیز کمی آئی۔

ارجن نے اپنی وزن میں زیادتی کی ایک بڑی وجہ تھائیرائیڈ کی بیماری کو قرار دیا، جو ان کی والدہ اور بہن کو بھی لاحق رہی۔ اس نے نہ صرف ان کی جسمانی صحت کو متاثر کیا بلکہ ذہنی طور پر بھی انہیں بڑا چیلنج دیا۔

آج ارجن کپور نہ صرف فٹ ہیں بلکہ اپنے مداحوں کے لیے ایک مثبت مثال بن چکے ہیں کہ اگر عزم، استقامت اور نظم و ضبط ہو تو کوئی بھی تبدیلی ممکن ہے۔