انسداد دہشت گردی کی عدالت سرگودھا نے 9 مئی کے پرتشدد واقعات کے مقدمہ میں اہم کارروائی کرتے ہوئے پی ٹی آئی رہنما عمر ایوب، احمد خان بھچر، بلال اعجاز، احمد چٹھہ اور دیگر 57 نامزد ملزمان کے وارنٹ گرفتاری جاری کر دیے ہیں۔
عدالت نے جوڈیشل کمپلیکس میانوالی میں زیر سماعت مقدمے کی سماعت کے دوران عدم پیشی پر تمام ملزمان کے خلاف وارنٹ گرفتاری کا حکم دیا ہے۔ یہ وارنٹ گرفتاری ان ملزمان کے خلاف جاری کیے گئے ہیں جو عدالت میں پیش نہیں ہوئے۔
یہ کارروائی 9 مئی کے واقعے سے متعلق پرتشدد واقعات کے حوالے سے کی گئی ہے، جس میں انسداد دہشت گردی کی عدالت نے سخت موقف اختیار کیا ہے۔
