عائزہ خان کی نیدرلینڈز سے دلکش تصاویر، مداحوں میں خوشی کی لہر

کراچی: پاکستان کی شوبز انڈسٹری کی معروف اداکارہ اور فیشن آئیکون عائزہ خان نے نیدرلینڈز سے اپنی تازہ تصاویر انسٹاگرام پر شیئر کی ہیں، جو مداحوں میں بے حد پسند کی جا رہی ہیں۔

عائزہ خان نے 2013 میں ڈرامہ "پیارے افضل” سے شوبز میں اپنی پہچان بنائی، جبکہ "میرے پاس تم ہو” میں مہوش کے کردار نے انہیں ملک و بیرون ملک شہرت کی بلندیوں پر پہنچایا۔ اپنی اداکاری اور منفرد انداز کی بدولت وہ لاکھوں دلوں میں گھر کر چکی ہیں۔

حالیہ تصاویر میں عائزہ خان کو نیدرلینڈز کے خوبصورت کھلے میدانوں میں مارننگ یوگا کرتے اور قدرتی مناظر سے لطف اندوز ہوتے دیکھا جا سکتا ہے۔ انہوں نے اپنے انسٹاگرام پوسٹ میں لکھا:
"صبح بخیر، آپ سب کے لیے آج کے دن کے لیے سکون، مثبت سوچ اور نرمی بھری توانائی کی دعا ہے۔”

ان تصاویر پر مداحوں نے خوب محبت اور تعریف کا اظہار کیا ہے۔ سوشل میڈیا صارفین نے عائزہ کی قدرتی خوبصورتی، صحت مند طرزِ زندگی اور مثبت سوچ کو سراہا ہے۔

عائزہ خان کے یہ پوسٹ نہ صرف ان کے فینز بلکہ پاکستان کی نوجوان نسل کے لیے بھی ایک مثبت پیغام ہیں، جو صحت اور ذہنی سکون کی اہمیت کو اجاگر کرتے ہیں۔