امریکی اداکارہ میڈلین کلائین نے وزن پر کی جانے والی تنقید کا زبردست جواب دے دیا

امریکی اداکارہ اور ماڈل میڈلین کلائین نے حال ہی میں اپنے وزن اور جسمانی تبدیلیوں پر ہونے والی تنقید کو بے دھڑک انداز میں مسترد کر دیا ہے۔ 27 سالہ میڈلین کو سوشل میڈیا پر وزن سے متعلق کئی نامناسب اور غیر ضروری تبصروں کا سامنا کرنا پڑا تھا، جس کا انہوں نے اپنی تازہ انٹرویو میں جواب دیا۔

میڈلین کلائین نے کہا کہ لوگ خاص طور پر وزن پر توجہ دینا بہت پسند کرتے ہیں، جو ان کے لیے ایک عجیب بات ہے کیونکہ جسم میں تبدیلیاں فطری اور معمول کی بات ہیں۔ انہوں نے واضح کیا کہ ان کی جسمانی حالت میں تبدیلیاں کئی وجوہات کی بنا پر ہوتی ہیں، جن میں ذہنی دباؤ، تعلقات کے بریک اپ، صحت مند یا غیر صحت مند خوراک شامل ہیں۔

اداکارہ نے کہا، "یہ سب چیزیں عام زندگی کا حصہ ہیں لیکن کیمرا ہر چھوٹی بڑی بات کو پکڑ لیتا ہے، جس کی وجہ سے ہر تبدیلی کو غیر ضروری حد تک بڑھا چڑھا کر پیش کیا جاتا ہے۔”

میڈلین کلائین کی اس بات سے یہ پیغام ملتا ہے کہ خود سے محبت اور جسمانی تبدیلیوں کو قبول کرنا ضروری ہے، اور دوسروں کی رائے کو اپنی زندگی کا محور نہیں بنانا چاہیے۔

یہ موقف خاص طور پر نوجوان خواتین اور مردوں کے لیے ایک حوصلہ افزا مثال ہے کہ ہر انسان کی جسمانی تبدیلیاں فطری ہیں اور ان کا احترام کیا جانا چاہیے۔