وزیراعظم محمد شہباز شریف کی جمعیت علمائے اسلام کے صدر مولانا فضل الرحمان کی رہائش گاہ آمد

وزیراعظم محمد شہبازشریف صدر جے یو آئی ف مولانا فضل الرحمٰن کے گھرگئے جہاں انہوں نے مولانا فضل الرحمٰن کے چھوٹے صاحبزادے اسجد محمود پر حملے اور ان کو اغواٗ کرنے کی ناکام کوشش پرانتہائی تشویش کا اظہارکیا، اور انکی خیریت دریافت کی ۔

وزیراعظم نے اس ناکام حملے میں ملوث افراد کو جلد از جلد قانون کی گرفت میں لانے کے احکامات جاری کیے، ملاقات میں ملک کی مجموعی وسیاسی صورت حال پر بھی تبادلہ خیال کیا گیا۔

ملاقات میں سابق وفاقی وزیر مولانا اسعد محمود، مولانا لطف الرحمان، مولانا عبید الرحمان اور مفتی ابرار احمد شامل تھے۔ وفاقی وزیرمنصوبہ بندی احسن اقبال ،وفاقی وزیر قانون و انصاف اعظم نذیر تارڑ ، ،وفاقی وزیر اطلاعات و نشریات عطاء اللہ تارڑاوروزیراعظم کے مشیربرائے سیاسی اموررانا ثناء اللہ بھی وزیراعظم کے ہمراہ تھے۔