نئی دہلی: بھارت کی مختلف ریاستوں میں شدید گرمی کی لہر نے لوگوں کو پریشانی میں مبتلا کر رکھا ہے، کئی علاقوں میں درجہ حرارت 40 سے 46 ڈگری یا اس سے بھی زیادہ ہے۔اسی دوران ایک ایسا واقعہ پیش آیا ہے جس میں بھارت کے سرکاری ٹی وی دوردرشن کی ایک خاتون نیوز کاسٹر خبر پڑھتے ہوئے اچانک بے ہوش ہو گئیں جب وہ دیکھنے والوں کو موسم کی شدت سے آگاہ کر رہی تھیں۔بھارتی میڈیا کی رپورٹ کے مطابق دوردرشن کی کولکتہ برانچ کی اینکر لوپامدرا سنہا کا بلڈ پریشر شدید گرمی اور پانی کی کمی کے باعث گر گیا۔جس کی وجہ سے وہ خبر پڑھتے ہوئے بیہوش ہو گئی، اس کی آنکھوں پر اندھیرا چھا گیا اور وہ کرسی پر گر گئی۔لوپامدرا سنہا کو فوری طور پر طبی امداد دی گئی لیکن کچھ دیر بعد ہوش آیا، انہوں نے کہا کہ وہ شدید گرمی اور بلڈ پریشر میں اچانک کمی کی وجہ سے “بے ہوش” ہوگئیں۔ اینکر نے یہ بھی کہا کہ دفتر کا کولنگ سسٹم فیل ہوگیا۔ کسی خرابی کی وجہ سے سٹوڈیو کے اندر بہت گرمی تھی۔انہوں نے مزید کہا کہ وہ جمعرات کو صبح کی نشریات سے پہلے ہی بیمار محسوس کر رہی تھیں، انہوں نے مزید کہا کہ وہ اپنے ساتھ کبھی بھی پانی کی بوتل نہیں رکھتیں اور اپنے 21 سالہ کیریئر میں نشریات کے دوران انہیں کبھی پانی پینے کی ضرورت نہیں پڑی۔ محسوس نہیں کیا
0
