پاکستان تحریک انصاف کے رہنما علی محمد خان نے کہا ہے کہ ہمیں امید ہے کہ عدالت ہمیں جلسہ کرنے کی اجازت دے گی۔رہنما پی ٹی آئی علی محمد خان نے کہا کہ ہمیں توقع تھی کہ انتظامیہ پی ٹی آئی کے جلسے کی اجازت نہیں دے گی، ہمارے کارکنوں نے پرامن ریلی نکالی لیکن ان پر تشدد کیا گیا۔انہوں نے کہا کہ فی الحال اجلاسوں پر توجہ دی جارہی ہے، دھرنے پر کوئی بات نہیں ہوئی، ہمیں بتایا جائے کہ ہمارا مینڈیٹ کہاں گیا، اس پر بات کریں۔ احسن اقبال پہلے ہمارا مینڈیٹ واپس کریں پھر کچھ بھی ہو سکتا ہے، گاڑی چور کبھی نہیں مانے گا کہ چوری ہوئی۔علی محمد خان نے غزہ کے حوالے سے کہا کہ غزہ میں بچوں اور خواتین کو قتل کیا جا رہا ہے، غزہ کے لیے سب کو اپنا کردار ادا کرنا چاہیے۔پی ٹی آئی رہنما نے کہا کہ انورحق کاکڑ نے بھی حکومت اچھی چلائی، ہم ان کی کمی محسوس کریں گے۔ انوارالحق کاکڑ کو بھی لمز کے طلباء بہت پیار سے یاد کرتے ہیں۔علی محمد خان نے کہا کہ ڈونلڈ لو کو کسی نے دھمکی دی ہے تو ہم انکوائری میں تعاون کریں گے۔ ہم جاننا چاہیں گے کہ ایسی طاقت کو دھمکی دینے کی ہمت کس میں ہے۔انہوں نے کہا کہ ایف بی آئی اور بدنام زمانہ سی آئی اے سے تفتیش ہونی چاہیے۔ ڈونلڈ لو اپنے کام میں کامیاب ہو گئے ہیں، حکومت کی تبدیلی آ چکی ہے۔ اگر ڈونلڈ لو کہتے ہیں کہ کوئی سائفر نہیں ہے تو پی ٹی آئی پر بانی کس کا کیس چل رہا ہے؟پی ٹی آئی رہنما نے کہا کہ اگر ڈونلڈ لو کہتے ہیں کہ دھمکی نہیں دی گئی تو وہ پی ٹی آئی کے بانی شاہ محمود کے خلاف مقدمہ کیوں چلا رہے ہیں۔علی محمد خان نے کہا کہ قومی سلامتی کے اعلامیے کی شہباز شریف کی حکومت میں توثیق ہوئی۔ ثابت ہوا کہ تحریک انصاف کے بانی سچے ہیں، انہوں نے اپنی ذمہ داری پوری کی۔
0
