آسٹریلیا نے ہنر مند لوگوں کے لیے سکل سلیکٹ پروگرام کے ذریعے امیگریشن کے نئے راستے متعارف کرائے ہیں تاکہ وہ آسٹریلیا میں کام کر کے مستقل رہائش حاصل کر سکیں۔
اس پروگرام کے تحت، آسٹریلیا نے تین مختلف راستے متعارف کرائے ہیں جن میں سپیشلسٹ سکلز اسٹریم، کور اسکلز اسٹریم اور لیبر ایگریمنٹ اسٹریم شامل ہیں۔
سپیشلسٹ اسکلز سٹریم میں وہ افراد شامل ہوں گے جو سالانہ کم از کم 135,000 آسٹریلین ڈالر کماتے ہیں اور جن کے پاس اعلیٰ مہارت اور تجربہ ہے۔
کور سکلز سٹریم میں وہ افراد آ سکتے ہیں جو کم از کم 73,150 آسٹریلین ڈالر سالانہ کماتے ہیں اور ان کی مہارتیں آسٹریلیا کی ضروریات کے مطابق ہیں۔
لیبر ایگریمنٹ اسٹریم مخصوص معاہدوں کے تحت کام کرنے والے افراد کے لیے ہے جو کسی مخصوص شعبے میں کام کرنے کے لیے آسٹریلیا آ سکتے ہیں۔
آسٹریلیا نے سکل سلیکٹ پروگرام کے تحت ہنر مند افراد کی ضروریات کو پورا کرنے کے لیے ایک نئی کور سکلز اوکیوپیشن لسٹ بھی جاری کی ہے، جس میں 456 پیشے شامل ہیں۔ ان پیشوں میں صحت، تعلیم، ٹیکنالوجی، زراعت اور تعمیرات کے شعبے شامل ہیں۔
اس پروگرام کا مقصد آسٹریلین معیشت کے لیے اہم شعبوں میں ماہر افراد کی کمی کو پورا کرنا ہے۔ اس پروگرام کے ذریعے آنے والے افراد کے لیے مستقل رہائش حاصل کرنے کا ایک واضح راستہ موجود ہے، جو انہیں آسٹریلیا میں طویل مدت تک رہنے کا موقع فراہم کرتا ہے۔ اس طرح، یہ پروگرام ہنر مند کارکنوں کے لیے نئے مواقع پیدا کرتا ہے اور آسٹریلیا کی معیشت کو مزید مضبوط کرتا ہے۔
