آج دنیا بھر میں روشنی کا عالمی دن منایا جا رہا ہے

آج دنیا بھر میں اقوام متحدہ کے ذیلی ادارے یونیسکو کے تحت روشنی کا عالمی دن منایا جا رہا ہے، جس کا مقصد روشنی اور اس سے جڑی ٹیکنالوجیز کی اہمیت کو اجاگر کرنا ہے۔ اس دن کو منانے کا مقصد روشنی کے سائنسی، ثقافتی، تعلیمی اور ترقیاتی پہلوؤں کو اجاگر کرنا ہے۔

یونیسکو نے 2018 میں پہلی بار اس دن کو منانے کا آغاز کیا تھا۔ یہ دن 16 مئی 1960 کو تھیوڈور میمن کی جانب سے پہلی بار لیزر کی کامیاب آزمائش کی یادگار کے طور پر منایا جاتا ہے۔

روشنی نہ صرف زندگی کی علامت ہے بلکہ سائنسی ترقی کا محور بھی ہے۔ طبی تشخیص، لیزر سرجری، شمسی توانائی، فائبر آپٹکس، اور انٹرنیٹ جیسے شعبوں میں روشنی کی بنیاد پر کام کرنے والی ٹیکنالوجیز نے دنیا کو بدل کر رکھ دیا ہے۔

سائنسی پہلوؤں کے علاوہ روشنی ثقافتی میدان میں بھی بہت اہم ہے۔ آرٹ، فوٹوگرافی، سنیما، اور تعلیم میں روشنی کا کردار کلیدی ہے۔ یونیسکو کے مطابق، روشنی علم اور امن کی علامت ہے، جو دنیا کو بہتر بنانے میں مددگار ہے۔

اس سال کا تھیم "روشنی، جدت، معاشرہ” ہے، جو اس بات پر زور دیتا ہے کہ کس طرح روشنی سے جڑی ٹیکنالوجیز سماجی ترقی اور عالمی تعاون کو فروغ دیتی ہیں۔ یہ تھیم دنیا بھر میں سائنسی تحقیق، تعلیم، اور پائیدار ترقی کے لیے روشنی کی اہمیت کو اجاگر کرتا ہے۔

آج کے دن دنیا بھر میں سیمینارز، نمائشیں، ورکشاپس، اور تعلیمی سرگرمیاں منعقد کی جا رہی ہیں تاکہ روشنی کی اہمیت اجاگر کی جا سکے۔