
کھیل
بنگلا دیشی کپتان نجم الحسین شنتو چیمپئنز ٹرافی میں حیران کرنے کیلئے پُرامید
انٹرنیشنل کرکٹ کونسل (آئی سی سی) چیمپئنز ٹرافی میں بنگلہ دیشی کرکٹ ٹیم کے کپتان نجم الحسین شنتو چیمپئنز ٹرافی میں سرپرائز دینے کی امید کر رہے ہیں۔چیمپئنز ٹرافی میں شرکت کے لیے دبئی روانگی سے قبل میڈیا سے بات کرتے ہوئے انہوں نے کہا نجم الحسین شنتو کا کہنا ہے کہ اس ٹورنامنٹ میں تمام 8 ٹیموں کو چیمپئن بننے کا حق ہے، میرا ماننا ہے کہ ہماری ٹیم میں چیمپئن بننے کی صلاحیت ہے، کسی پر کوئی دباؤ نہیں۔بنگلہ دیشی کرکٹ ٹیم کے کپتان کا یہ بھی کہنا تھا کہ ہر کھلاڑی چیمپئن بننا چاہتا ہے، انہیں اپنی صلاحیتوں پر یقین ہے، ہمیں نہیں معلوم کہ اللہ نے ہماری قسمت میں کیا لکھا ہے لیکن ہم محنت کر رہے ہیں۔واضح رہے کہ بنگلہ دیش کی کرکٹ ٹیم گروپ اے میں پاکستان، بھارت اور نیوزی لینڈ کے ساتھ شامل ہے۔