سری نگر: مقبوضہ جموں و کشمیر میں مبینہ آئی ای ڈی دھماکے میں دو بھارتی فوجی ہلاک اور ایک زخمی ہوگیا۔بھارتی میڈیا کے مطابق بھارتی فوجی لائن آف کنٹرول کے قریب اکھنور سیکٹر میں مبینہ آئی ای ڈی دھماکے کا نشانہ بنے۔دھماکا صبح ساڑھے 3 بجے اس وقت ہوا جب بھارتی فوجی گشت پر تھے، دھماکے کے بعد 3 فوجی زخمی ہوئے جنہیں اسپتال منتقل کیا گیا جہاں 2 فوجی جان کی بازی ہار گئے۔بھارتی فوج کے بیان میں کہا گیا ہے کہ دھماکے کے بعد فورسز نے موقع پر پہنچ کر لائن آف کنٹرول پر بڑے پیمانے پر سرچ آپریشن شروع کر دیا ہے۔
