صدر آصف علی زرداری کی شہزادہ رحیم الحسینی سے ملاقات میں ان کے والد پرنس کریم آغا خان کے انتقال پر اظہار تعزیت کیا گیا۔ لزبن میں شہزادہ رحیم الحسینی سے ملاقات کے موقع پر صدر آصف علی زرداری نے کہا کہ پوری قوم ایک سچے دوست اور عظیم انسان دوست کے انتقال پر سوگوار ہے۔. پاکستان کی سماجی اور معاشی ترقی میں آغا خان مرحوم کے کردار کو سراہتے ہوئے انہوں نے کہا کہ ان کی دور اندیش قیادت نے پاکستان اور دنیا کے دیگر خطوں میں لوگوں کی زندگیوں کو بہتر کیا۔ صدر مملکت نے کہا کہ آغا خان کے انتقال کی خبر ان کے چین کے سرکاری دورے کے دوران ملی اور میں آغا خان مرحوم کی انسان دوستی اور انسانیت کے لیے زندگی بھر کی خدمات کو خراج عقیدت پیش کرنے کے لیے لزبن آیا ہوں۔ آغا خان مرحوم کی انسانیت کے لیے خدمات کو ہمیشہ یاد رکھا جائے گا۔مرحوم آغا خان نے اپنی زندگی کی خدمت اور لوگوں کی فلاح و بہبود کے لیے وقف کی، انہوں نے کہا کہ امید ہے کہ پرنس رحیم حسینی کی خدمت اپنے والد کے مشن کو جاری رکھیں۔
