جتنا دباؤ کے بغیر کھیلتے ہیں اتنا ہی اچھا نتیجہ ملتا ہے: نسیم شاہ

قومی ٹیم کے نوجوان فاسٹ باؤلر نسیم شاہ کا کہنا ہے کہ دباؤ کے بغیر جتنا زیادہ کھیلیں گے اتنا ہی اچھا نتیجہ آئے گا۔کراچی میں میڈیا سے گفتگو کرتے ہوئے نسیم شاہ کا کہنا تھا کہ سخت محنت کر رہے ہیں، امید ہے آئندہ میچز میں اچھی کارکردگی کا مظاہرہ کریں گے۔انہوں نے کہا کہ بڑی کارکردگی دکھانے کے بعد توقعات بڑھ جاتی ہیں، چیمپئنز ٹرافی میں اچھی کارکردگی دکھانے کی کوشش کریں۔نسیم شاہ نے کہا ہے کہ بطور ٹیم ہم اپنی غلطیوں پر نظر رکھتے ہیں، اپنی غلطیوں سے سیکھتے ہیں اور بہتر کارکردگی دکھانے کی کوشش کرتے ہیں۔ فاسٹ بولر کا یہ بھی کہنا تھا کہ ہم کراچی میں اپنی بہترین کرکٹ کھیلنے کی کوشش کریں گے، مجھے یقین ہے کہ ہم چیمپئنز ٹرافی میں اپنی بہترین کرکٹ کھیلیں گے۔