سپریم کورٹ کے آئینی بنچ نے فوجی عدالتوں میں شہریوں کے مقدمات سے متعلق کیس کی سماعت کل تک ملتوی کر دی۔جسٹس امین الدین کی سربراہی میں 7 رکنی آئینی بنچ نے کیس کی سماعت کی۔وکیل دفاع سلمان اکرم راجہ سپریم کورٹ نہ پہنچ سکے۔سماعت کے دوران وکیل رانا وقار نے کہا کہ سلمان اکرم راجہ ٹریفک میں پھنس گئے ہیں۔جس پر جسٹس جمال مندوخیل نے کہا کہ اگر معلوم ہوتا کہ آج راستے بند ہیں تو وقت پر نکل آتے، شاید سلمان اکرم راجہ چاہتے ہیں کہ ملزمان جیلوں میں سڑیں، اگر وہ مقدمہ نہیں چلانا چاہتے تو یہ ان کی مرضی ہے۔جسٹس امین الدین نے کہا کہ کیا کسی اور فریق کے پاس وکیل ہے؟دوران سماعت جسٹس امین الدین نے کہا کہ کیس کو سماعت کے لیے بلایا تھا، سلمان اکرم راجہ عدالت میں موجود نہیں تھے۔عدالتی عملے نے ججز کو جواب دیا کہ کسی بھی فریق کا کوئی وکیل نہیں پہنچ سکا۔جسٹس مندوخیل نے کہا کہ رانا صاحب بھی پہنچ گئے ہیں تو راجہ صاحب بھی پہنچ سکتے تھے۔
