شمالی وزیرستان کے علاقے بکا خیل منڈی سے پولیس کانسٹیبل سمیت دو افراد کو اغوا کے بعد قتل کردیا گیا۔ پولیس کے مطابق گڑبس کے علاقے سے کانسٹیبل ریاض اللہ اور حبیب اللہ کو نامعلوم مسلح افراد نے بکل خیل منڈی ایف آر بنوں سے اغوا کر لیا۔ مسلح افراد یرغمالیوں کو پہاڑی علاقے میں لے گئے اور انہیں قتل کردیا، بعد ازاں مقتولین کی ویڈیو بنائی گئی جو سوشل میڈیا پر وائرل ہوگئی۔ پولیس واقعے کو ذاتی دشمنی قرار دے رہی ہے تاہم تفتیش جاری ہے۔
