محکمہ موسمیات نے ملک کے مختلف علاقوں میں بارش اور برفباری کی پیش گوئی کی ہے۔ محکمہ موسمیات کے مطابق آج اسلام آباد میں موسم سرد اور جزوی طور پر ابر آلود رہے گا، مری، گلیات اور گردونواح میں سردی کی شدت برقرار رہنے کا امکان ہے، کوئٹہ، زیارت، چاغی، نوشکی اور ژوب میں بارش اور برفباری کا امکان ہے جب کہ سندھ کے بیشتر اضلاع میں موسم خشک اور سرد رہنے کا امکان ہے۔چترال، دیر، سوات، کوہستان، کرم اور وزیرستان میں برفباری، گلگت بلتستان میں بارش اور پہاڑوں پر برفباری کی پیشگوئی کی گئی ہے، جب کہ آزاد کشمیر میں آج سردی کی شدت برقرار رہے گی، محکمہ موسمیات کا کہنا ہے کہ کل اتوار کو گلگت بلتستان، خیبرپختونخوا، شمالی کشمیر، بلوچستان، مری، شمالی کشمیر اور گلگت بلتستان میں چند مقامات پر گرج چمک کے ساتھ بارش کا امکان ہے۔ پہاڑوں پر بارش اور برفباری کا امکان ہے۔
