سونو سود کے وارنٹِ گرفتاری جاری

بالی ووڈ اداکار سونو سود کے وارنٹ گرفتاری جاری کر دیے گئے۔بھارتی پنجاب کے جوڈیشل مجسٹریٹ نے مالی فراڈ میں مبینہ طور پر ملوث ہونے کے مقدمے میں 51 سالہ سونو سود کے وارنٹ گرفتاری جاری کیے ہیں۔اداکار کو عدالت میں طلب کیا گیا لیکن وہ پیش نہ ہونے پر ان کے وارنٹ گرفتاری جاری کر دیے گئے۔بھارتی میڈیا کے مطابق لدھیانہ سے تعلق رکھنے والے وکیل راجیش کھنہ نے یہ مقدمہ موہت شکلا نامی شخص کے خلاف درج کرایا ہے جس میں الزام لگایا گیا ہے کہ اسے جعلی سرمایہ کاری کا لالچ دیا گیا۔بھارتی میڈیا کے مطابق بالی ووڈ اداکار سونو سود پر اس کیس میں بالواسطہ طور پر ملوث ہونے کا الزام عائد کیا گیا ہے۔