صوبائی وزیر اطلاعات عظمیٰ بخاری نے کہا ہے کہ پی ٹی آئی کے بانی عمران خان نے جیل سے نکلنے کے سارے کارڈ کھیل لیے، اب ان کے پاس صرف شرمندگی کی معافی کا کارڈ بچا ہے۔ مشیر اطلاعات خیبرپختونخوا کے بیان پر ردعمل دیتے ہوئے پنجاب کی وزیر اطلاعات عظمیٰ بخاری نے کہا کہ بھائی آپ کی دماغی حالت ٹھیک نہیں ہے یا آپ جان بوجھ کر ایسی حرکتیں کرتے ہیں؟ تمہارے مہاتما نے خط نہیں لکھا بلکہ کھلا این آر او مانگا ہے۔عظمیٰ بخاری نے کہا کہ عمران خان نے جن کو خط لکھا، انہوں نے آنے سے پہلے ہی ردی کی ٹوکری میں پھینک دیا، ایک ٹولہ نواز شریف اور مریم نواز کی نفرت میں جل کر راکھ ہوتا رہے گا، جو ضد پر تھا اور ہار نہیں مان رہا، اب تلوے چاٹ رہا ہے۔ انہوں نے کہا کہ جس نے عوام کو حقیقی جدوجہد آزادی کے بارے میں بتایا وہ ذہنی تناؤ کا شکار ہو گیا ہے۔آج موصوف کی حوصلہ افزائی کرنے اور سننے کے مرض میں مبتلا ہونے کی بھی رپورٹ آئی، جیل کی دیواروں نے مجھے سوچنے اور طاقت کو ختم کر دیا۔
