شہزاد رائے پرنس کریم آغا خان کی وفات پر غمزدہ

پاکستان شوبز انڈسٹری کے معروف گلوکار شہزاد رائے نے اسماعیلی برادری کے روحانی پیشوا پرنس کریم آغا خان کے انتقال پر اپنے دکھ کا اظہار کیا ہے۔گلوکارہ نے تصویر اور ویڈیو شیئرنگ پلیٹ فارم انسٹاگرام پر ایک پوسٹ اور کہانی شیئر کرکے تعزیت کا اظہار کیا ہے۔انہوں نے انسٹاگرام پوسٹ میں لکھا کہ شیعہ اسماعیلی مسلمانوں کے 49ویں امام پرنس کریم الحسینی آغا خان چہارم کی وفات بہت بڑا نقصان ہے۔واضح رہے کہ اسماعیلی برادری کے روحانی پیشوا پرنس کریم آغا خان 88 برس کی عمر میں انتقال کر گئے تھے۔برطانوی میڈیا کے مطابق پرنس کریم آغا خان 4 فروری کو پرتگال کے دارالحکومت لزبن میں انتقال کر گئے تھے۔شہزادہ شاہ کریم کی نماز جنازہ لزبن میں ادا کرنے کا اعلان کیا گیا ہے تاہم تدفین کی جگہ کا ابھی اعلان نہیں کیا گیا۔ انتظامات کو حتمی شکل دینے کے بعد تاریخ اور وقت کا اعلان کیا جائے گا۔