مفتی قوی کی راکھی کو شادی کی مشروط پیشکش، اداکارہ کا ردعمل آگیا

بھارت کی مشہور رقاصہ اور اداکارہ راکھی ساونت نے مفتی قوی کی جانب سے دی گئی شادی کی تجویز پر اپنے ردعمل کا اظہار کیا ہے۔چند روز قبل مفتی قوی نے ایک پوڈ کاسٹ گفتگو کے دوران راکھی ساونت کے اسلام قبول کرنے کی تعریف کی اور انہیں شادی کی پیشکش کی جس پر اب راکھی نے جواب دیا ہے۔راکھی ساونت نے مفتی قوی کی شادی کی تجویز کا جواب دیتے ہوئے کہا کہ میں مولانا سے شادی کرنے کے لیے مر رہی ہوں، قوی صاحب صرف آپ کا نام آتا ہے، میرے لیے ‘کویتا’ (شاعری) لکھیں۔اس سے قبل پوڈ کاسٹ میں مفتی قوی نے راکھی سے شادی کے لیے مشروط آمادگی کا اظہار کرتے ہوئے کہا تھا کہ اگر ان کی والدہ انہیں اجازت دیں تو وہ اس رشتے کے لیے تیار ہیں، کیونکہ ان کے مطابق ماں کی اجازت لینا ضروری ہے۔مفتی قوی نے وضاحت کی کہ ڈاکٹر ذاکر نائیک سمیت دیگر علماء کی تحقیق کے مطابق ہندو مذہب کی مقدس کتاب کو الہامی حیثیت حاصل ہے، اس لیے راکھی ساونت اہل کتاب کے زمرے میں آتی ہے اور ان کی شادی جائز ہے۔واضح رہے کہ تنازعات کی وجہ سے خبروں میں رہنے والی 46 سالہ بھارتی اداکارہ راکھی ساونت نے چند روز قبل پاکستان میں اپنی شادی کا اعلان کیا تھا۔ہندوستانی اخبار ٹائمز آف انڈیا سے گفتگو میں راکھی ساونت کا کہنا تھا کہ پاکستان میچ کے دوران مجھے شادی کے کئی پرپوزل ملے۔