جولائی تا جنوری، تجارتی خسارہ 13 ارب 48 کروڑ 80 لاکھ ڈالر رہا
رواں مالی سال 2024-25 کے پہلے سات ماہ (جولائی تا جنوری) کے دوران ملک کی برآمدات، درآمدات اور تجارتی خسارے میں اضافہ ہوا ہے۔سالانہ بنیادوں پر برآمدات میں 4.59 فیصد اور ماہانہ بنیادوں پر 0.31 فیصد اضافہ ہوا جس کے بعد جنوری میں برآمدات 2.92 بلین ڈالر رہیں۔اس حوالے سے وفاقی ادارہ شماریات کے جاری کردہ اعداد و شمار کے مطابق رواں مالی سال کے پہلے 7 ماہ میں برآمدات 9.98 فیصد اضافے سے 19 ارب 551 ملین ڈالر تک پہنچ گئی ہیں۔رپورٹ میں بتایا گیا کہ جنوری میں سالانہ بنیادوں پر درآمدات میں اضافہ ہوا تاہم دسمبر 2024 کے مقابلے جنوری 2025 میں درآمدات میں کمی آئی، جنوری میں درآمدات کا حجم 5 ارب 233 ملین ڈالر رہا۔ادارہ شماریات کے مطابق رواں مالی سال کے پہلے 7 ماہ میں درآمدات میں 6.95 فیصد کا اضافہ ہوا اور یہ 33 ارب ڈالر سے تجاوز کر گئی۔پاکستان کی ادارہ جاتی نے بتایا کہ جنوری 2025ء میں بنیادوں پر تجارتی خسارہ 17.78 فیصد بڑھ کر ماہانہ بنیادوں پر تجارتی خسارہ 5.47 فیصد کم ہوا، جس کے بعد اس کا حجم 2 ارب 31 کروڑ 30 لاکھ ڈالر ریکارڈ کیا گیا۔
