وکیل پی ٹی آئی فیصل فرید چوہدری نے کہا ہے کہ عمران خان نے آرمی چیف کو خط لکھا ہے جس میں انہوں نے کہا ہے کہ اسٹیبلشمنٹ ان کے ساتھ کھڑی ہے جو خود دو بار این آر او کا شکار ہے۔اڈیالہ جیل میں صحافیوں سے غیر رسمی گفتگو کرتے ہوئے انہوں نے کہا کہ پی ٹی آئی کے بانی عمران خان نے آرمی چیف جنرل عاصم منیر کو خط بھیجا ہے اور یہ خط ملک کی سب سے بڑی سیاسی جماعت اور سابق وزیراعظم کی جانب سے بھیجا گیا ہے۔خط میں دہشت گردی کے باعث فوجی جوانوں کی شہادت کے حوالے سے رپورٹس پیش کی گئی ہیں اور خط میں چھ نکات پیش کیے گئے ہیں۔فیصل چوہدری نے کہا کہ خط میں لکھا ہے کہ فوج دہشت گردی کے خلاف جنگ میں اس وقت کامیاب ہوتی ہے جب قوم اس کے پیچھے کھڑی ہو۔وکیل فیصل چوہدری نے کہا کہ عمران خان نے آرمی چیف سے پالیسی تبدیل کرنے کی درخواست کی ہے۔خط میں ملکی تاریخ کے دھاندلی زدہ انتخابات، 26ویں آئینی ترامیم، پی ای سی اے قانون، پی ٹی آئی کے خلاف ریاستی دہشت گردی، خفیہ اداروں کی آئینی ذمہ داری، ملکی معاشی صورتحال کے حوالے سے بھی مواد لکھا گیا ہے۔فیصل چوہدری کے مطابق خط میں لکھا ہے کہ فوج اور قوم میں خلیج ہے۔، فاصلوں کی سب سے بڑی وجہ اسٹیبلشمنٹ کی پالیسیز ہیں، اسٹیبلشمنٹ کے ساتھ کھڑے ہوئے جو دو موقعوں پر ان آر اور زد میں ہیں جس سے قوم میں نفرت پیدا ہوتی ہے۔
