ارجن کپور نے ملائکہ اروڑا سے راہیں جدا کرنے کے بعد شادی سے متعلق پلان بتادیا

بالی ووڈ اداکار ارجن کپور نے ملائکہ اروڑہ سے علیحدگی کے کئی ماہ بعد اپنی شادی کے منصوبوں کا انکشاف کیا ہے۔بھارتی میڈیا کے مطابق ارجن اور ملائکہ نے خوش اسلوبی سے علیحدگی اختیار کر لی تھی، وہ 2019 سے رومانوی تعلقات میں تھے۔بھارتی میڈیا کے مطابق ایک تقریب کے موقع پر ارجن کپور سے ان کی شادی کے منصوبوں کے بارے میں پوچھا گیا۔اس پر ارجن کپور نے کہا کہ جب ایسا ہوگا تو میں آپ کو سب بتاؤں گا، مجھے لگتا ہے کہ میں نے اپنی ذاتی زندگی کے بارے میں کافی بات چیت کی اجازت دی ہے۔ارکن کپور نے کہا کہ جب صحیح وقت آئے گا تو میں آپ سب کے ساتھ شادی کی بات شیئر کرنے میں ہچکچاہٹ محسوس نہیں کروں گا۔بالی ووڈ اداکار نے کہا کہ آپ سب جانتے ہیں کہ میں کس قسم کا انسان ہوں۔بھارتی میڈیا کے مطابق ارکن کپور نے کچھ عرصہ قبل ملائیکہ اروڑا سے تعلق ختم کرنے کے حوالے سے باضابطہ وضاحت کی تھی۔