اسلام آباد: حکومتی نمائندوں نے پیکا قانون سازی پر جلد بازی کا اعتراف کرتے ہوئے مذاکرات پر آمادگی ظاہر کردی۔ایک بیان میں سینیٹر عرفان صدیقی نے کہا کہ وہ سمجھتے ہیں کہ حکومت پیکا قانون سازی میں جلد بازی کا مظاہرہ کر رہی ہے اور اسٹیک ہولڈرز سے مشاورت نہیں کی۔انہوں نے کہا کہ پیکا کا معاملہ ایسا نہیں ہے جس کی اصلاح نہ ہو سکے، اس معاملے پر صحافیوں کی رائے لی جانی چاہیے تھی، جو قانون سے مشورہ کر کے اچھا بنایا جا سکتا تھا، وہ متنازع ہو گیا۔ان کا مزید کہنا تھا کہ مشاورت میں تمام اسٹیک ہولڈرز کو ساتھ لیا جائے گا، بتائیں پیکا ایکٹ میں کون سا سوال متنازعہ ہے، ہم اس پر بات کرنے کو تیار ہیں۔
عطا تارڑ کا کہنا تھا کہ سوشل میڈیا پروٹیکشن اتھارٹی میں پرائیویٹ سیکٹر سے نامزدگیاں کی جائیں گی، اتھارٹی میں پریس کلب یا صحافتی تنظیموں سے وابستہ صحافیوں کو شامل کیا جائے گا جب کہ ٹریبونل میں صحافیوں اور آئی ٹی پروفیشنلز کو بھی شامل کیا گیا ہے۔
