سہ فریقی سیریز اور چیمپئنز ٹرافی میں فخر کیساتھ بابر اوپننگ کریں گے، فیصلہ ہوگیا

فخر زمان کو سہ فریقی ٹورنامنٹ اور آئی سی سی چیمپئنز ٹرافی میں پاکستان کرکٹ ٹیم میں دوسرے اوپنر کے طور پر منتخب کیا گیا ہےفخر زمان نے سہ فریقی ٹورنامنٹ اور آئی سی سی چیمپئنز ٹرافی میں پاکستان کی اننگز کا آغاز کر دیا قومی ٹیم انتظامیہ نے بابر اعظم سے کہا ہے کہ وہ میگا ایونٹ کے دوران بھارتی ٹیم میں اور اس کے بعد پاکستانی ٹیم میں سچن ٹنڈولکر کا کردار ادا کریں۔ بابر اعظم نے اس مشکل مشن کو مکمل کرنے پر آمادگی ظاہر کی ہے۔پاکستان کی جانب سے گزشتہ روز اعلان کردہ 15 رکنی اسکواڈ میں فخر زمان واحد ریگولر اوپنر ہیں جب کہ قومی سلیکٹر اسد شفیق نے کہا ہے کہ ان کے ساتھ دوسرے اوپنر کا فیصلہ میچ سے قبل کیا جائے گا۔عاقب جاوید اور کوچز نے بابر اعظم کو بطور اوپنر کھیلنے پر آمادہ کیا ہے۔ذرائع کا کہنا ہے کہ سلیکٹرز نے بابر اعظم سے کئی ملاقاتیں کیں، بابر اعظم کو کریز پر زیادہ وقت اور اوورز کھیلنے کا مشن دیا گیا ہے۔واضح رہے کہ آئی سی سی چیمپئنز ٹرافی 2025 کے لیے پاکستان کی 15 رکنی کرکٹ ٹیم کا اعلان گزشتہ روز کیا گیا تھا اور یہی ٹیم نیوزی لینڈ اور جنوبی افریقہ کے خلاف سہ فریقی ون ڈے سیریز میں بھی شرکت کرے گی۔ بابر اعظم، فخر زمان، کامران غلام، سعود شکیل اور طیب طاہر شامل ہیں۔فہیم اشرف، خوشدل شاہ، سلمان علی آغا (نائب کپتان) جبکہ وکٹ کیپر بلے باز محمد رضوان (کپتان)، عثمان خان اور اسپنر ابرار احمد کو بھی ٹیم میں شامل کیا گیا ہے۔پاکستان کرکٹ ٹیم کے اسکواڈ میں فاسٹ بولرز ہارث رؤف، محمد حسنین، نسیم شاہ اور شاہین شاہ آفریدی بھی شامل ہیں۔