شمالی وزیرستان کے علاقے میر علی میں سیکیورٹی فورسز نے انٹیلی جنس کی بنیاد پر آپریشن کرکے 6 خوارج کو ہلاک کردیا۔پاک فوج کے شعبہ تعلقات عامہ آئی ایس پی آر کے مطابق میر علی میں آپریشن 29 اور 30 جنوری کی درمیانی شب خوارج کی موجودگی کی اطلاع ملی تھی۔آئی ایس پی آر کی جانب سے بتایا گیا ہے کہ آپریشن کے دوران سیکیورٹی فورسز نے خوارج کے ٹھکانے کا پتہ لگا کر 6 خوارج کو ہلاک کردیا۔محکمہ تعلقات عامہ کے مطابق فائرنگ کے شدید تبادلے میں میجر سمیت دو جوان جان کی بازی ہار گئے۔ میجر اسرار اور سپاہی محمد نسیم دہشت گردوں کا بہادری سے مقابلہ کرتے ہوئے جام شہادت نوش کر گئے۔ میجر اسرار آپریشن کی قیادت کر رہے تھے۔
