شاہ رخ خان کی ساؤتھ انڈین اداکاروں سے انوکھی فرمائش

بالی ووڈ کنگ شاہ رخ خان نے جنوبی ہند کی فلموں کے نامور اداکاروں سے انوکھی درخواست کردی۔شاہ رخ خان نے حال ہی میں دبئی کے گلوبل ولیج میں منعقدہ ایک تقریب میں شرکت کی جس کی ویڈیوز اور تصاویر سوشل میڈیا پر گردش کر رہی ہیں۔ انہوں نے تقریب کے دوران اپنے مداحوں سے جنوبی ہند کے اداکاروں کے بارے میں بات کی۔اداکار نے کہا، ’’جنوبی ہندوستانی فلم انڈسٹری میں میرے بہت سے دوست ہیں، اللو ارجن، پربھاس، رام چرن، یش، مہیش بابو، وجے تھلاپاتھی، رجنی کانت سر، کمل ہاسن سر اور میری ان سے ایک درخواست ہے۔‘‘انہوں نے مزید کہا کہ انہیں اتنی جلدی ڈانس نہیں کرنا چاہیے کیونکہ میرے لیے ان کے ساتھ رہنا مشکل ہے۔جنوبی ہند کے اداکاروں کے بارے میں شاہ رخ خان کے مزاحیہ بیان پر تقریب کے شرکاء ہنسنے لگے۔