محکمہ موسمیات نے ملک میں بارشوں کا سسٹم کب داخل ہوگا، اس حوالے سے پیشگوئی جاری کردی۔محکمہ موسمیات کے مطابق صوبائی دارالحکومت سمیت صوبے بھر میں موسم خشک رہنے کا سلسلہ جاری ہے جب کہ لاہور سمیت بالائی پنجاب کے اضلاع میں ہلکی بارش کا امکان ہے۔محکمہ موسمیات کے مطابق 31 جنوری سے یکم فروری کے درمیان بارش کا سسٹم پاکستان میں داخل ہوگا۔ بارش کی وجہ سے موسم پھر ٹھنڈا محسوس ہوگا اور درجہ حرارت کم ہوگا۔اس وقت پنجاب بھر میں خشک موسم کے باعث درجہ حرارت میں بتدریج اضافہ ہو رہا ہے اور دنوں میں قدرے گرمی اور راتیں ٹھنڈی محسوس ہو رہی ہیں جبکہ خشک موسم کے باعث درجہ حرارت میں اضافہ ہو رہا ہے۔ماہرین کا کہنا ہے کہ موسمیاتی تبدیلیوں کے باعث اس سال سردیوں کا دورانیہ کم ہوگیا ہے۔آج لاہور میں کم سے کم درجہ حرارت 7 ڈگری سینٹی گریڈ ریکارڈ کیا گیا جب کہ زیادہ سے زیادہ درجہ حرارت 24 ڈگری تک پہنچنے کا امکان ہے۔
