اسلام آباد: اسپیکر قومی اسمبلی نے تحریک انصاف کی عدم آمد کے باعث آج ہونے والا مذاکراتی کمیٹی کا اجلاس ملتوی کردیا تاہم کمیٹی برقرار رکھنے کا فیصلہ کیا گیا ہے۔اجلاس سے قبل سپیکر ایاز صادق نے کہا کہ گزشتہ اجلاس میں فیصلہ کیا گیا تھا کہ اجلاس دوبارہ 7 ورکنگ دنوں میں ہوگا۔ آج 7 دن مکمل ہو گئے۔انہوں نے کہا کہ ہم نے 45 منٹ انتظار کیا، ان کی طرف سے پیغام ملا کہ وہ نہیں آئیں گے، میں نے پی ٹی آئی سے رابطہ کیا ہے، پی ٹی آئی ارکان نے کہا ہے کہ ہم اپنی اعلیٰ قیادت سے رابطہ کرکے بتائیں گے۔ .ایاز صادق نے کہا کہ اپوزیشن کی عدم موجودگی کے باعث مذاکرات آگے نہیں بڑھ سکے، اس ملاقات کو جاری رکھنے کا کوئی مقصد نہیں، اس لیے آج کی ملاقات ملتوی کر رہے ہیں، تاہم میرے دروازے کھلے ہیں، مجھے دونوں جانب سے مذاکرات کی توقع ہےاسپیکر قومی اسمبلی نے اعلان کیا کہ مذاکراتی کمیٹی تحلیل کیے بغیر برقرار رہے گی۔اس موقع پر گفتگو کرتے ہوئے نائب وزیراعظم اسحاق ڈار نے کہا کہ اگر ہم اجلاس میں آتے تو کچھ نہ کچھ لے کر آتے، ہم نے تحریک انصاف کے مطالبات کا جواب تیار کر لیا ہے۔ آگے بڑھیں، پہلے بھی بات ہوئی ہے، ہمیں امید ہے کہ وہ آئیں گے، ہم جواب دیں گے اور ہم جواب دینا چاہتے تھے، اگر وہ نہیں آئے تو ہم کیسے جواب دیں گے۔
