نیٹ میٹرنگ؛ 103 ارب روپے کا بوجھ گرڈ سے بجلی لینے والے صارفین پر ڈالنے کا انکشاف

ملک میں نیٹ میٹرنگ کی وجہ سے گرڈ سے بجلی حاصل کرنے والے صارفین پر 103 ارب روپے کا بھاری بوجھ پڑا ہے۔حکومت نے سولر نیٹ میٹرنگ کو مجموعی میٹرنگ سسٹم میں منتقل کرنے پر غور شروع کر دیا ہے۔ اس حوالے سے ذرائع کا کہنا ہے کہ سال 2021 میں سولر نیٹ میٹرنگ کے 321 میگاواٹ کنکشن تھے جو 2024 میں بڑھ کر 3277 میگاواٹ ہو گئے ہیں اور 2034 تک یہ کنکشن بڑھ کر 12377 میگاواٹ بجلی بن سکتے ہیں۔ذرائع کے مطابق لاہور، کراچی، اسلام آباد، گوجرانوالہ، فیصل آباد، ملتان، پشاور، سیالکوٹ اور راولپنڈی کے 80 فیصد صارفین نیٹ میٹرنگ سسٹم میں شامل ہو چکے ہیں اور اب تک نیٹ میٹرنگ کے صارفین کی تعداد 226440 ہو گئی ہے جو کہ مجموعی طور پر 37 ملین میں سے صرف 0.6 فیصد بجلی کے صارفین ہیں۔. حکومت سولر نیٹ میٹرنگ سسٹم میں تبدیلی کر کے گراس میٹرنگ متعارف کروا سکتی ہے جس کے بعد بجلی کی خریداری کی شرح 21 روپے فی یونٹ کے بجائے 8 سے 9 روپے فی یونٹ ہو جائے گی۔