فیروز خان کی والدہ نے بیٹے کے سجل علی سے تعلقات کی تصدیق کردی
پاکستان کے نامور شوبز اداکار فیروز خان کی والدہ نے اپنے بیٹے کے سجل علی کے ساتھ تعلقات پر خاموشی توڑ دی۔حال ہی میں ایک یوٹیوب انٹرویو میں فیروز خان کی والدہ صوفیہ ملک نے فیروز خان کی زندگی کے بارے میں بہت سی باتوں کا انکشاف کیا جن میں سجل علی کے ساتھ ان کے تعلقات بھی شامل ہیں۔ماضی میں فیروز خان اور سجل علی کی جوڑی کو مداحوں نے بے حد پسند کیا تھا۔ یہ دونوں ڈرامہ سیریل ‘چپ رہو’، ‘گل رانا’ میں نظر آئے تھے۔، اور فلم ‘زندگی کتنی حسین ہے’ جیسے کامیاب پروجیکٹس میں ایک ساتھ کام کیا، لیکن ان کا پرائیویٹ رشتہ زیادہ دن نہیں چل سکا۔صوفیہ ملک نے اپنے بیٹے کی طلاق اور سابقہ بیوی کی طرف سے ان پر تشدد کے الزامات کے بارے میں بھی بات کی۔ ان الزامات کو بے بنیاد قرار دیتے ہوئے انہوں نے کہا کہ وہ چاہیں تو بہت کچھ کہہ سکتی ہیں لیکن خاموش رہنے کو ترجیح دیتی ہیں۔ان کے مطابق معاشرے میں عموماً خواتین کی باتوں کو زیادہ اہمیت دی جاتی ہے جب کہ مردوں کی باتوں کو سخت سمجھا جاتا ہے جو کہ درست نہیں ہے۔فیروز خان کی والدہ کا کہنا تھا کہ ‘عورت کارڈ’ کا استعمال ان کے بیٹے کی طلاق کے دوران کیا گیا، جس میں ان کے بیٹے کو نشانہ بنایا گیا، اور کسی نے ان کے حق میں بات نہیں کی۔ اس دوران ان کے خاندان کو بہت سی مشکلات کا سامنا کرنا پڑا۔
