لائیو شو میں پاکستان تحریک انصاف اور مسلم لیگ ن کے رہنما آپس میں لڑ پڑے، ایک دوسرے پر مکوں کی بارش ہو گئی۔پاکستان تحریک انصاف کے نعیم حیدر پنجوٹھا اور مسلم لیگ ن کے اختر ولی خان کے درمیان نجی ٹی وی چینل کے شو میں لڑائی کی ویڈیوز سوشل میڈیا پر وائرل ہو رہی ہیں۔لائیو شو کے دوران دونوں رہنماؤں نے ایک دوسرے پر سنگین الزامات لگائے اور گرما گرم بحث لڑائی میں بدل گئی۔وائرل ہونے والی ویڈیو میں دیکھا جا سکتا ہے کہ پی ٹی آئی اور ن لیگ کے رہنما تلخ کلامی کے بعد ایک دوسرے پر حملہ آور ہیں اور گریبان پکڑنے کے ساتھ ایک دوسرے پر مکے اور لاتیں بھی برسا رہے ہیں۔لائیو پروگرام کے دوران میزبان کے ناک آؤٹ ہونے کے باوجود ان کی لڑائی اس وقت تک جاری رہتی ہے جب تک کہ پروگرام کے دیگر ٹیم ممبران کو انہیں بچانے کے لیے اندر آنا پڑتا ہے۔واضح رہے کہ یہ پہلا موقع نہیں ہے جب لائیو شو میں سیاسی رہنماؤں کی لڑائی کی ویڈیو وائرل ہوئی ہو۔ اس سے قبل بھی مسلم لیگ ن کے سینیٹر افنان اللہ اور پاکستان تحریک انصاف کے رکن قومی اسمبلی شیر افضل مروت کے درمیان لڑائی ہوئی تھی جب کہ پی ٹی آئی رہنما نعیم الحق اور مسلم لیگ ن کے رہنما دانیال عزیز کے درمیان لڑائی کی ویڈیو بھی وائرل ہوئی تھی۔ .
