اسٹاک مارکیٹ میں تیزی،روپے کے مقابلے میں ڈالرسستا

پاکستان اسٹاک ایکسچینج میں کاروبار کا آغاز مثبت انداز میں ہوا، دوسری جانب ایکسچینج مارکیٹ میں بھی ڈالر کی قدر میں کمی ہوئی ہے۔ کاروباری ہفتے کے چوتھے روز اسٹاک ایکسچینج میں تیزی کا رجحان دیکھا گیا، کاروبار کے آغاز پر 100 انڈیکس میں 549 پوائنٹس کا اضافہ ہوا جس کے بعد انڈیکس 113992 کی سطح پر ٹریڈ کرتا دیکھا گیا۔ بدھ کو کاروباری دن کے اختتام پر ہنڈریڈ انڈیکس 113,443 پر بند ہوا۔۔اسٹاک مارکیٹ کا 100 انڈیکس 69 پوائنٹس کے اضافے سے 1 لاکھ 13 ہزار 513 پر پہنچ گیا۔آج کاروبار کے دوران انڈیکس 1 لاکھ 14 ہزار 90 پوائنٹس کی بلند ترین سطح پر پہنچ گیا۔گزشتہ روز کاروبار کے اختتام پر انڈیکس 113 ہزار 443 پوائنٹس پر بند ہوا۔