چیمپئنز ٹرافی کا نیا پرومو ریلیز ، پاکستانی اور بھارتی کرکٹر ایک ساتھ جلوہ گر

انٹرنیشنل کرکٹ کونسل (آئی سی سی) نے چیمپئنز ٹرافی کا نیا پرومو جاری کر دیا ہے۔پاکستان میں 19 فروری سے شروع ہونے والی چیمپئنز ٹرافی کے پرومو میں پاکستان کے شاہین شاہ آفریدی، شاداب خان اور بھارت کے ہاردک پانڈیا شامل ہیں۔اس کے علاوہ چیمپئنز ٹرافی کے پرومو میں افغانستان کے محمد نبی اور انگلش کرکٹر فل سالٹ بھی شامل ہیں۔پرومو میں پانچوں کرکٹرز ایونٹ کی ٹرافی حاصل کرنے کی کوشش کرتے نظر آرہے ہیں جسے ایک خصوصی کمرے میں سیکیورٹی میں رکھا گیا ہے۔واضح رہے کہ آئی سی سی چیمپئنز ٹرافی کا آغاز 19 فروری سے ہوگا، ایونٹ 9 مارچ تک جاری رہے گا جس میں 8 ٹیموں کے درمیان 15 میچز کھیلے جائیں گے۔ہندوستان چیمپئنز ٹرافی میں اپنے تمام میچ دبئی میں کھیلے گا۔