سابق وزیر داخلہ شیخ رشید نے کہا ہے کہ پی ٹی آئی کے بانی پر 190 ملین پاؤنڈ کیس کا کوئی اثر نہیں ہوا۔اسلام آباد میں سپریم کورٹ کے باہر میڈیا سے گفتگو کرتے ہوئے انہوں نے کہا کہ حساس معاملات پر بات نہیں کرنا چاہتے۔شیخ رشید نے کہا کہ شہادتوں پر جوڈیشل کمیشن نہ بنا تو کوئی حل نہیں نکلے گا، مجھ سے کسی سیاسی جماعت نے رابطہ نہیں کیا۔اس سے قبل سپریم کورٹ کے آئینی بنچ نے سمندر پار پاکستانیوں کے ووٹ کے حق سے متعلق کیس کی سماعت کی۔جسٹس امین الدین کی سربراہی میں آئینی بنچ نے کیس کی سماعت کی، اس موقع پر درخواست گزار شیخ رشید اپنے وکلا کے ہمراہ آئینی بنچ کے سامنے پیش ہوئے۔درخواست گزار شیخ رشید کے وکیل نے کہا کہ کیس سمندر پار پاکستانیوں کے ووٹوں سے متعلق ہے۔جسٹس جمال مندوخیل نے کہا کہ آج وقت کم ہے، جلد اس کیس کی سماعت کریں گے، ابھی الیکشن نہیں ہوئے، اس کیس کا فیصلہ اگلے الیکشن سے پہلے کریں گے۔
