اوورسیز

ترکیہ: ہوٹل میں آتشزدگی سے ہلاکتوں کی تعداد 76 ہوگئی

ترکی کے ایک ہوٹل میں آتشزدگی کے واقعے میں ہلاک ہونے والوں کی تعداد 76 ہوگئی ہے۔غیر ملکی میڈیا کے مطابق گزشتہ روز ترکی کے شمال مغربی علاقے تلکایا شہر کے سیاحتی علاقے میں لکڑی کی ایک کثیرالمنزلہ عمارت میں آگ بھڑک اٹھی۔اطلاعات کے مطابق آگ 12 منزلہ عمارت کی چوتھی منزل پر سہ پہر تین بجے کے قریب لگی جس نے تیزی سے عمارت کو اپنی لپیٹ میں لے لیا۔میڈیا رپورٹس کے مطابق آگ سے بچنے کے لیے 2 افراد نے عمارت سے چھلانگ لگا کر فرار ہونے کی کوشش کی تاہم دونوں جان کی بازی ہار گئے۔رپورٹس میں مزید بتایا گیا ہے کہ آتشزدگی کے واقعے میں مرنے والوں کی تعداد 76 تک پہنچ گئی ہے اور 50 سے زائد افراد زخمی ہوئے ہیں۔انتظامیہ کا کہنا ہے کہ آگ پر قابو پانے میں 12 گھنٹے لگے اور واقعے کے بعد ہوٹل مالک سمیت 9 افراد کو گرفتار کر لیا گیا ہے۔

مزید دیکھیں

متعلقہ آرٹیکلز

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button