اسلام آباد ہائی کورٹ، توہین عدالت کیس میں بڑی پیش رفت

پی ٹی آئی کے وکلاء کو اڈیالہ جیل داخلے کی اجازت نہ دینے پر توہین عدالت کیس میں بڑی پیش رفت سامنے آئی ہے۔ اسلام آباد ہائیکورٹ نے ایڈووکیٹ جنرل اسلام آباد اور جیل حکام سے جواب طلب کرلیا .

جسٹس سرداراعجازاسحاق خان نے نعیم حیدر پنجوتھہ ایڈووکیٹ کی درخواست پرسماعت کی۔ درخواست گزار کے وکیل علی بخاری عدالت پیش ہوئے اورموقف اپنایا کہ عدالتی احکامات کے باوجود وکلاء کو جیل انٹری کا مسئلہ موجودہے۔ جیل حکام اپنی مرضی سے وکلاء کو داخلے کی اجازت دیتے ہیں۔ 9 مئی مقدمات کی سماعتیں جاری ہیں جبکہ پانچ گواہان کے بیانات بھی ہوچکے۔ ہم وکلاء ہیں ایک روز اجازت ملے تو دوسرے روز انٹری نہیں ملتی ۔ وکلاء کی عدم موجودگی میں ٹرائل کا مقصد ہی نہیں رہتا۔عدالت نے ایڈوکیٹ جنرل اورجیل حکام کو نوٹس جاری کرتے ہوئے سماعت 24 جنوری تک ملتوی کردی۔