خیبرپختونخوا کے مشیر خزانہ مزمل اسلم کا کہنا ہے کہ آئی ایم ایف نے مالی سال 2025 کے لیے پاکستان کی جی ڈی پی 3.2 فیصد سے کم کر کے 3 فیصد کر دی ہے۔پاکستان کے جی ڈی پی پر ردعمل دیتے ہوئے مزمل اسلم نے کہا کہ شہباز شریف اور پی ڈی ایم کی حکومت میں مالی سال 2023 میں جی ڈی پی کی شرح منفی 0.2 فیصد رہی ہے جبکہ مالی سال 2024 میں 2.5 فیصد اور 2025 میں 3.0 فیصد ہےمزمل اسلم نے کہا کہ بانی پی ٹی آئی عمران خان کی حکومت میں جی ڈی پی مالی سال 2022 میں 6.18 فیصد اور 2021 میں 5.77 فیصد تھی جب کہ کورونا وائرس کی وجہ سے 2020 میں یہ منفی 0.94 فیصد تھی خیبرپختونخوا کے مشیر خزانہ نے کہا کہ ملک میں کساد بازاری ہے، موجودہ حکومت میں معیشت خون کی کمی کا شکار ہے۔
