پاکستان کی پہلی سندھی فیچر فلم کے چرچے، جے پور فلم فیسٹیول میں پریمیئر ہوگا

پاکستان کی پہلی سندھی فیچر فلم "سندھو جی گونج” کا پریمیئر 21 جنوری کو جے پور فلم فیسٹیول میں ہوگا۔راہول اعجاز کی ہدایت کاری میں بننے والی سندھی فلم ’سندھو جی گونج‘ کی کہانی دریائے سندھ اور اس کے آس پاس رہنے والے لوگوں کی زندگی پر مبنی ہے۔جے پور فلم فیسٹیول میں فلم کے پریمیئر کو پاکستان فلم انڈسٹری کے لیے ایک تاریخی لمحہ قرار دیا جا رہا ہے۔ یہ فیچر فلم 1997 میں سینما گھروں میں ریلیز ہونے والی آخری سندھی فلم تھی۔یہ فلم تین بین الاقوامی فلم اسٹوڈیوز کے درمیان تعاون ہے جس میں پاکستان، جنوبی کوریا اور بنگلہ دیش کے پروڈکشن اسٹوڈیوز حصہ لے رہے ہیں۔ پاکستان کے مشہور اداکار شمعون عباسی اس فلم کے ایگزیکٹو پروڈیوسر ہیں۔یاد رہے کہ مذکورہ فلم کا ورلڈ پریمیئر 16 جنوری 2025 کو کراچی میں سینی پیکس سینماز اوشین مال میں ہوا تھا۔ تاہم پاکستان کے دیگر سینما گھروں میں اس کی ریلیز کی تاریخ کا ابھی اعلان نہیں کیا گیا۔