امریکی عدالت نے ٹرمپ کی جانب سے ہارورڈ کے فنڈز منجمد کرنے کا فیصلہ کالعدم قرار دیا

امریکی وفاقی عدالت نے سابق صدر ڈونلڈ ٹرمپ انتظامیہ کا ہارورڈ یونیورسٹی کے لیے 2 ارب ڈالر سے زائد فنڈز منجمد کرنے کا فیصلہ کالعدم قرار دے دیا۔

بوسٹن کی جج ایلیسن بوروغز نے حکم دیا کہ فنڈز کی منسوخی اور منجمد کرنے کے تمام اقدامات آئین کی پہلی ترمیم کی خلاف ورزی ہیں۔ عدالت نے قرار دیا کہ 14 اپریل 2025 کے بعد سے کیے گئے تمام احکامات کالعدم ہوں گے اور آئندہ بھی اسی جواز کے تحت فنڈز نہیں روکے جا سکیں گے۔

ٹرمپ انتظامیہ نے فنڈز کٹوتی کا دفاع کرتے ہوئے الزام لگایا تھا کہ ہارورڈ نے غزہ جنگ کے دوران کیمپس مظاہروں میں یہودی اور اسرائیلی طلبہ کو تحفظ دینے میں ناکامی دکھائی۔ تاہم ہارورڈ نے ان الزامات کو مسترد کرتے ہوئے کہا کہ اصل مقصد یونیورسٹی کی بھرتیوں، داخلوں اور نصاب پر سیاسی کنٹرول حاصل کرنا تھا۔

انتظامیہ نے فیصلے کے خلاف اپیل کا اعلان کیا ہے۔