نان اسٹک پین صحت کے لیے کتنے محفوظ ہیں؟ جانئے حقیقت!
نان اسٹک پین کا استعمال آج کل بہت عام ہے کیونکہ یہ کھانے کو چپکنے سے بچاتے ہیں اور صفائی میں آسانی فراہم کرتے ہیں۔ لیکن کیا یہ صحت کے لیے بالکل محفوظ ہیں؟ جواب ہے نہیں بالکل نہیں!
زیادہ تر نان اسٹک پین ٹیفلون (Teflon) کوٹنگ سے بنتے ہیں، جسے Polytetrafluoroethylene (PTFE) کہا جاتا ہے۔ یہ کوٹنگ کھانے کو پین کی سطح سے چپکنے نہیں دیتی، مگر جب یہ کوٹنگ زیادہ حرارت یعنی 260°C (500°F) سے اوپر پہنچتی ہے تو زہریلی گیسیں خارج کر سکتی ہے، جو پھیپھڑوں اور مجموعی صحت کے لیے نقصان دہ ہیں۔
اگر نان اسٹک پین کی کوٹنگ اترنے لگے یا اس پر خراشیں آجائیں تو وہ چھوٹے ذرات کھانے میں شامل ہو سکتے ہیں، جو صحت کے لیے ٹھیک نہیں۔
ممکنہ صحت کے خطرات:
سانس کی بیماریوں کا خطرہ
جگر اور ہارمونز پر منفی اثرات (طویل مدتی استعمال میں)
نان اسٹک پین کو محفوظ طریقے سے کیسے استعمال کریں؟
خالی پین کو زیادہ دیر تک گرم نہ کریں۔
لکڑی یا سلکان کے چمچ استعمال کریں تاکہ کوٹنگ خراب نہ ہو۔
اگر کوٹنگ اترنے لگے یا خراشیں زیادہ ہوں تو پین فوراً بدل دیں۔
نان اسٹک پین کو ہمیشہ مدھم یا درمیانی آنچ پر استعمال کریں۔
متبادل برتن جو صحت کے لیے بہتر سمجھے جاتے ہیں:
کاسٹ آئرن پین: اگر صحیح طریقے سے سیزن کیا جائے تو یہ قدرتی طور پر نان اسٹک ہوتے ہیں۔
اسٹین لیس اسٹیل پین: ہلکا سا آئل لگاکر بہترین نتائج دیتا ہے۔
سیرامک کوٹنگ والے برتن: یہ نان اسٹک پین کی نسبت زیادہ محفوظ سمجھے جاتے ہیں۔
