سابق ہیڈکوچ مکی آرتھر کا کہنا ہے: محمد رضوان اور بابراعظم ٹی ٹوئنٹی کرکٹ کے لیے غیر موزوں ہیں

کراچی (27 اگست 2025) — قومی کرکٹ ٹیم کے سابق ہیڈ کوچ مکی آرتھر نے حالیہ ایک انٹرویو میں کہا ہے کہ محمد رضوان اور بابراعظم ٹی ٹوئنٹی فارمیٹ کے لیے مناسب انتخاب نہیں ہیں۔

مکی آرتھر نے ایک نجی ٹی وی کو دیے گئے انٹرویو میں وضاحت کی کہ اگرچہ دونوں کھلاڑی اچھے ہیں، لیکن ٹی ٹوئنٹی کرکٹ کی نوعیت بدل چکی ہے اور اس کے مطابق ٹیم میں تبدیلی کی ضرورت ہے۔

انہوں نے مزید کہا کہ موجودہ ہیڈ کوچ مائیک ہیسن اور کپتان سلمان علی آغا اپنی حکمت عملی کے تحت کرکٹ کھیلنا چاہتے ہیں، جو ایک نیا انداز ہے۔

مکی آرتھر نے پاکستان کی کامیابیوں کا حوالہ دیتے ہوئے کہا کہ ان کے دور میں پاکستان ٹیم عالمی نمبر ون رہی، جس کے لیے انہوں نے اور سابق کپتان سرفراز احمد نے مل کر پلاننگ کی تھی۔