‘گوپی بہو’ واقعی بہو بن گئیں: جیا مانک نے ساتھی اداکار ورون جین سے شادی کر لی

ممبئی — بھارتی ڈرامہ انڈسٹری کی مشہور اداکارہ جیا مانک، جو آج بھی "ساتھ نبھانا ساتھیا” کی ‘گوپی بہو’ کے کردار سے پہچانی جاتی ہیں، حقیقی زندگی میں بہو بن گئیں۔

بھارتی میڈیا کے مطابق جیا مانک نے حال ہی میں اپنے قریبی دوست اور ساتھی اداکار ورون جین سے یوگک انداز میں شادی کر لی۔ شادی کی خوبصورت تصاویر سوشل میڈیا پر شیئر کی گئیں، جنہیں مداحوں کی جانب سے بے حد پسند کیا جا رہا ہے۔ کمنٹس میں صارفین جیا کو "اصلی گوپی بہو” بننے پر مبارکباد دے رہے ہیں۔

محبت کا آغاز سیٹ سے

رپورٹس کے مطابق جیا اور ورون کی پہلی ملاقات ایک ڈرامے کے سیٹ پر ہوئی تھی، جہاں سے دوستی کا آغاز ہوا۔ وقت کے ساتھ یہ دوستی محبت میں بدل گئی اور اب دونوں نے شادی کے بندھن میں بندھنے کا فیصلہ کر لیا۔

’لیپ ٹاپ دھونے والی بہو‘ اب دلہن

گوپی بہو کا کردار صرف ایک عام بہو کا نہیں تھا — یہ وہی مشہور کردار ہے جس میں جیا مانک نے اپنے شوہر کا لیپ ٹاپ پانی سے دھو کر تار پر سکھانے کے لیے لٹکا دیا تھا۔ اس سین نے جیا کو نہ صرف شہرت کی بلندیوں پر پہنچایا بلکہ یہ سین آج بھی سوشل میڈیا میمز کا حصہ ہے۔

مداحوں کا ردعمل

مداحوں کی جانب سے جیا مانک کو دعائیں اور محبت بھرے پیغامات موصول ہو رہے ہیں۔ ایک صارف نے تبصرہ کیا:

"جیا نے آخرکار اصل زندگی میں گوپی بہو کا رول مکمل کر لیا!”
جبکہ ایک اور صارف نے مزاحیہ انداز میں لکھا:
"اب لیپ ٹاپ دھونے کی کوئی ضرورت نہیں، ورون خود سنبھال لیں گے!”