پاکستان میں غیر قانونی طور پر مقیم افغان شہریوں کی ملک بدری کا سلسلہ تیزی سے جاری ہے۔ سرکاری ذرائع کے مطابق گزشتہ روز 1062 افغان شہریوں کو طورخم سرحد کے راستے ملک بدر کیا گیا، جن میں سے 776 افراد پی او آر کارڈ ہولڈر تھے۔
یہ افراد پنجاب اور خیبرپختونخوا کے مختلف اضلاع میں مقیم تھے۔ علاوہ ازیں، ٹرانزٹ کیمپ میں پہنچنے والے 123 افغان شہری بغیر دستاویزات کے مقیم تھے جبکہ 163 افراد اے سی سی کارڈ ہولڈرز تھے۔
سرکاری ذرائع نے بتایا ہے کہ یکم اپریل سے اب تک 75 ہزار سے زائد افغان شہری لنڈی کوتل ٹرانزٹ کیمپ سے بے دخل کیے جا چکے ہیں، جس سے ملک میں غیر قانونی رہائش پذیر افراد کی تعداد میں نمایاں کمی واقع ہوئی ہے۔
