ستمبر 2025 کے آغاز میں شہریوں کے لیے خوشخبری! 12 ربیع الاول، یومِ دفاع پاکستان اور ہفتہ و اتوار کی مسلسل تعطیلات کے باعث عوام کو 4 روزہ طویل وقفہ میسر آنے کا امکان ہے۔
محکمہ موسمیات اور رویت ہلال کمیٹی کے مطابق، ربیع الاول کا چاند 24 اگست 2025 (اتوار) کو نظر آنے کی توقع ہے، جس کے مطابق 12 ربیع الاول بروز جمعہ، 5 ستمبر کو ہوگی۔ اس موقع پر ملک بھر میں عام تعطیل ہوگی تاکہ عوام عید میلادالنبی ﷺ کو مذہبی جوش و جذبے کے ساتھ منا سکیں۔
اس کے اگلے روز، ہفتہ 6 ستمبر کو یومِ دفاع پاکستان کے موقع پر بھی سرکاری تعطیل دیئے جانے کا امکان ہے، جس میں قوم اپنے شہداء اور غازیوں کو بھرپور خراجِ عقیدت پیش کرے گی۔
یومِ دفاع کے بعد، ہفتہ 7 اور اتوار 8 ستمبر کو حسب معمول ویک اینڈ کی تعطیلات ہوں گی، یوں شہریوں کو مسلسل چار دن آرام، عبادت، قومی تقریبات اور سماجی سرگرمیوں کے لیے میسر آئیں گے۔
