ویب ڈیسک: حج 2025 کے خواہشمند افراد کے لیے ایک بڑی سہولت فراہم کرتے ہوئے اسٹیٹ بینک آف پاکستان نے اعلان کیا ہے کہ مجاز بینکوں کی برانچیں آج ہفتے کے روز بھی کھلی رہیں گی تاکہ شہری اپنی درخواستیں آسانی سے جمع کرا سکیں۔
اسٹیٹ بینک کے مطابق یہ فیصلہ وزارت مذہبی امور اور بین المذاہب ہم آہنگی کی درخواست پر کیا گیا ہے، تاکہ حج درخواست فارم جمع کروانے کے عمل میں کسی قسم کی رکاوٹ نہ ہو۔ ملک بھر
میں 14 مجاز بینکوں کی برانچیں ہفتہ 9 اگست کو صبح 9 بجے سے دوپہر 2:30 بجے تک کھلی رہیں گی۔
اہم معلومات:مجاز بینک حج درخواست فارم 4 اگست تا 9 اگست 2025 تک وصول کر رہے ہیں۔وہ عازمین حج جو قرعہ اندازی میں منتخب نہیں ہوئے یا رجسٹرڈ نہیں ہو سکے، وہ 11 سے 16 اگست کے درمیان درخواستیں اور اخراجات جمع کروا سکتے ہیں۔
عوامی سہولت کو مدنظر رکھتے ہوئے اقداماسٹیٹ بینک کا یہ اقدام ان افراد کے لیے بڑی سہولت ہے جو ہفتہ وار تعطیل کے باعث بینک نہیں جا سکتے تھے۔ حکومت اور متعلقہ ادارے حج 2025 کے انتظامات کو زیادہ منظم اور آسان بنانے کے لیے پرعزم نظر آتے ہیں۔
